സംഘര്‍ഷം രൂക്ഷമായ സാഹചര്യത്തില്‍ ലെബനനിലേക്കുള്ള അനാവശ്യ യാത്രകള്‍ ഒഴിവാക്കണമെന്ന് നിര്‍ദ്ദേശിച്ച് ഇന്ത്യന്‍ എംബസ്സി.ഇന്ത്യന്‍ എംബസ്സിയുമായുള്ള വിനിമയം തുടര്‍ന്നുകൊണ്ടിരിക്കണണെന്നും നിര്‍ദ്ദേശം നല്‍കിയിട്ടുണ്ട്.ലെബനനിലേക്കുള്ള അത്യാവശ്യമല്ലാത്ത എല്ലാ യാത്രകളും ഒഴിവാക്കണമെന്നും ലെബനനിലെ ഇന്ത്യന്‍ എംബസ്സി എക്‌സില്‍ കുറിച്ചു.
ലെബനനിലെ എല്ലാ ഇന്ത്യന്‍ പൗരന്മാരും ജാഗ്രത പാലിക്കണമെന്നും cons.beirut@mea.gov.in എന്ന മെയില്‍ ഐഡിയിലൂടെയും 96176860128 എന്ന ഫോണ്‍ നമ്പറിലൂടെയും എംബസിയുമായി ബന്ധപ്പെടണമെന്നും ഇന്ത്യന്‍ എംബസ്സി അറിയിച്ചിട്ടുണ്ട്.12 കൂട്ടികള്‍ കൊല്ലപ്പെട്ട ഗോളന്‍ ഹൈറ്റ്‌സിലെ റോക്കറ്റ് ആക്രമണത്തിലൂടെ സ്ഥലത്തെ സംഘര്‍ഷം കൂടുതല്‍ രൂക്ഷമാകുകയായിരുന്നു.ആക്രമണത്തിന് മറുപടിയായി ചൊവ്വാഴ്ച ലെബനനില്‍ നടന്ന ഇസ്രയേല്‍ ആക്രമണത്തില്‍ ഹിസ്ബുള്ള കമാന്‍ഡര്‍ തലവന്‍ ഫഉദ് ഷുക്കര്‍ കൊല്ലപ്പെട്ടതായി ഇസ്രയേല്‍ പ്രതിരോധസേന അറിയിച്ചു.
English Summary;Avoid unnecessary travel to Lebanon; Indian Embassy