ടൈറ്റാനിയം ഡയോക്‌സൈഡ് (ഇ 171) അടങ്ങിയ ഭക്ഷ്യ ഉല്‍പന്നങ്ങളുടെ ഉല്‍പാദനവും ഇറക്കുമതിയും വിപണനവും നിരോധിച്ചുള്ള ഉത്തരവ് ശനിയാഴ്ച മുതല്‍ പ്രാബല്യത്തില്‍ വന്നു. നിയമം ലംഘിച്ചാല്‍ 1000 റിയാല്‍ പിഴ ചുമത്തും. ആവര്‍ത്തിച്ചാല്‍ പിഴ ഇരട്ടിയാക്കുമെന്നും അധികൃതര്‍ വ്യക്തമാക്കി. ജനുവരിയില്‍ കൃഷി, ഫിഷറീസ്, ജലവിഭവ മന്ത്രി ഭക്ഷ്യസുരക്ഷ ചട്ടങ്ങളിലെ ചില വ്യവസ്ഥകള്‍ ഭേദഗതി ചെയ്ത് മന്ത്രിതല തീരുമാനം പുറപ്പെടുവിച്ചിരുന്നു. ഈ ഉത്തരവിറങ്ങി ആറു മാസത്തിനു ശേഷമാണ് നിയമം പ്രാബല്യത്തില്‍ വന്നത്. ഈ 171 എന്ന പേരില്‍ അറിയപ്പെടുന്ന ടെെറ്റാനിയം ഡയോക്സെെഡ് ഭക്ഷ്യവസ്തുക്കള്‍ക്ക് നിറവും ഭംഗിയും നല്‍കാനാണ് ഉപയോഗിക്കുന്നത്. അതോടൊപ്പം പെയിന്റുകള്‍, കോട്ടിങ്ങുകള്‍, ഫാര്‍മസ്യൂട്ടിക്കല്‍, കോസ്മറ്റിക്, ടൂത്ത് പേസ്റ്റ് എന്നിവയിലും ഇത് ഉപയോഗിക്കുന്നുണ്ട്. ഈ 171 തീരെ ചെറുതായതിനാല്‍ സൂക്ഷ്മഘടക വിഭാഗത്തിലാണ് ഉള്‍പ്പെടുന്നത്.
English Summary:Ban on products containing titanium dioxide; Act in effect
You may also like this video;
