ദൈവ വിശ്വാസികളാണ് വർഗീയതക്കെതിരായ പോരാട്ടത്തിന്റെ കരുത്തെന്നും യുഡിഎഎഫിന് നിലമ്പൂരിൽ തുടക്കത്തിലേ പാളിയെന്നും സിപിഐ (എം) സംസ്ഥാന സെക്രട്ടറി എം വി ഗോവിന്ദൻ. മലപ്പുറത്തിന്റെ പേര് ഉപയോഗിച്ച് ആവശ്യമില്ലാതെ ഏതെങ്കിലും പദപ്രയോഗം ആരെങ്കിലും പറഞ്ഞുണ്ടാക്കിയാൽ അതൊന്നും വിലപോകില്ല. ഇടതുപക്ഷ ജനാധിപത്യ മുന്നണി എല്ലാകാലത്തും മലപ്പുറത്തിന്റെ ഒപ്പം തന്നെയാണ് നിന്നതെന്ന് ജനങ്ങൾക്കറിയാം. മലപ്പുറം ജില്ലയ്ക്കെതിരെ പ്രചരണം നടത്തിയവർ കോൺഗ്രസ് ആണ്.
ജനസംഘവുമായി ചേർന്ന് കോൺഗ്രസ് പ്രചരണം നടത്തി. അന്ന് മലപ്പുറം ജില്ലാ കുട്ടി പാക്കിസ്ഥാൻ എന്ന് പറഞ്ഞു. പുതിയ ക്ഷേമ പെൻഷൻ എന്ന ആശയത്തോട് കോൺഗ്രസ്സിന് യോജിപ്പില്ല, അവർ അന്നും ഇന്നും പെൻഷനെ അവഹേളിക്കുന്ന സമീപനമാണ് എടുത്തിട്ടുള്ളത്. പെൻഷൻ ഏർപ്പെടുത്തിയത് എൽഡിഎഫ് സർക്കാർ ആണെന്നും ഉമ്മൻചാണ്ടി സർക്കാരിന്റെ കുടിശിക മുഴുവൻ ഇടതു സർക്കാർ ആണ് കൊടുത്തു തീർത്തെന്നും അദ്ദേഹം പറഞ്ഞു.