ബീഹാർ തെരഞ്ഞെടുപ്പിൽ സീറ്റ് മോഹികൾക്ക് ക്യൂആര് കോഡ് വഴി രജിസ്റ്റർ ചെയ്യാൻ സംവിധാനമൊരുക്കി കോൺഗ്രസ്. ഓരോ മണ്ഡലങ്ങളിലും സീറ്റ് വേണമെന്ന് ആഗ്രഹിക്കുന്നവര്ക്ക് ക്യൂആര് കോഡ് വഴി രജിസ്റ്റര് ചെയ്യാനുളള സംവിധാനമാണ് കോണ്ഗ്രസിപ്പോള് ഒരുക്കിയിരിക്കുന്നത്. ബിഹാര് കോണ്ഗ്രസ് സംസ്ഥാന അധ്യക്ഷന് രാജേഷ് റാം പുതിയ സംരംഭത്തിന് ഔപചാരികമായി തുടക്കം കുറിച്ചു.
സംസ്ഥാനത്തെ 243 നിയമസഭാ മണ്ഡലങ്ങളിലും കോണ്ഗ്രസ് സമഗ്രമായ സര്വേ നടത്തുന്നുണ്ടെന്ന് രാജേഷ് റാം പറഞ്ഞു. ഓരോ സീറ്റുകളില് നിന്നും ശക്തരായ സ്ഥാനാര്ത്ഥികളെയാണ് ഞങ്ങള് തെരഞ്ഞെടുക്കുക. ഇന്ത്യാ സഖ്യത്തിനു കീഴില്, സീറ്റ് പങ്കിടല് വ്യവസ്ഥ പ്രകാരം കോണ്ഗ്രസിന് അനുവദിച്ച സീറ്റുകളിലായിരിക്കും മത്സരിക്കുക. ക്യൂആര് കോഡ് സിസ്റ്റം സ്ഥാനാര്ത്ഥി തെരഞ്ഞെടുപ്പിലെ സുതാര്യതയും നിഷ്പക്ഷതയും ഉറപ്പാക്കുമെന്ന് രാജേഷ് റാംപറഞ്ഞു.