അമിതവേഗതയിലെത്തിയ ബൈക്ക് നിയന്ത്രണം വിട്ട് ട്രാന്‍സ്‌ഫോര്‍മറില്‍ ഇടിച്ച് മറിഞ്ഞു. ബൈക്ക് യാത്രികന്‍ അത്ഭുതകരമായി രക്ഷപെട്ടു. വൈകിട്ട് നാലരയോടെയാണ് കട്ടപ്പന വെള്ളയാംകുടി എസ്എംഎല്‍പടിയില്‍ അപകടം ഉണ്ടായത്. അപകടത്തില്‍പ്പെട്ട ഇരുചക്രവാഹനം വൈദ്യുതി സുരക്ഷാവേലിക്കകത്ത് തലകീഴായി വീഴുകയായിരുന്നു. വാഹനം ഓടിച്ച ബൈക്ക് യാത്രികന്‍ മറ്റൊരു വാഹനത്തില്‍ കയറി രക്ഷപെട്ടതായി നാട്ടുകാര്‍ പറഞ്ഞു. സ്ഥലത്തെത്തിയ വൈദ്യുതി വകുപ്പ് ജീവനക്കാര്‍ വൈദ്യുതി ബന്ധം വിച്‌ഛേദിക്കുകയും പൊലീസും ഫയര്‍ഫോഴ്‌സും നാട്ടുകാരുടെ സഹായത്തോടെ ബൈക്ക് പൊക്കി മാറ്റുകയുമായിരുന്നു. അപകടം കാണുവാന്‍ എത്തിയവരുടെ തിരക്ക് മൂലം ഗതാഗത തടസ്സവുമുണ്ടായി. ബൈക്കിന്റെ നമ്പറിന്റെ അടിസ്ഥാനത്തില്‍ അപകടത്തില്‍പ്പെട്ട ബൈക്കിന്റെ ഉടമയെ തിരിയുകയാണ് പൊലീസ്, മോട്ടോര്‍ വാഹനവകുപ്പ് അധികൃതര്‍.
English Summary: Bike got stuck inside the transformer: man escaped
You may like this video also
