കേരളത്തിനെതിരെ കേന്ദ്ര മന്ത്രിയും ബിജെപി നേതാവുമായ ശോഭ കരന്തലജെ നടത്തിയ വിദ്വേഷ പരാമര്‍ശം സംബന്ധിച്ച് പ്രധാനമന്ത്രി നരേന്ദ്ര മോഡി അഭിപ്രായം പറയണമെന്ന് സിപിഐ സംസ്ഥാന സെക്രട്ടറി ബിനോയ് വിശ്വം എംപി. കേരളത്തിലെ ആളുകള്‍ കര്‍ണാടകയിലെ പെണ്‍കുട്ടികളുടെ മുഖത്ത് ആസിഡ് ഒഴിക്കുന്നു എന്നാണ് കേന്ദ്രമന്ത്രി പറഞ്ഞത്.
രാമേശ്വരം കഫെ സ്‌ഫോടനവുമായി ബന്ധപ്പെടുത്തി തമിഴ്‌നാട്ടുകാര്‍ക്കെതിരെയുള്ള പ്രതികരണം പിന്‍വലിച്ച ശോഭ കരന്തലജെ കേരളത്തെ കുറിച്ചുള്ള പരാമര്‍ശം പിന്‍വലിക്കുന്നതിന് തയ്യാറായിട്ടില്ല. മലയാളികളെയാകെ അപകീര്‍ത്തിപ്പെടുത്തിയുള്ള വിദ്വേഷ പരാമര്‍ശമാണ് കേന്ദ്ര മന്ത്രിയുടെ ഭാഗത്തുനിന്നുണ്ടായത്. ഇക്കാര്യത്തില്‍, ഇടയ്ക്കിടെ സംസ്ഥാനത്തെത്തുകയും റോഡ്ഷോ നടത്തി ജനങ്ങളോട് കപട വാഗ്ദാനങ്ങള്‍ നല്‍കുകയും ചെയ്യുന്ന മോഡിയുടെ പ്രതികരണമറിയാന്‍ കേരളീയര്‍ക്ക് ആകാംക്ഷയുണ്ടെന്ന് ബിനോയ് വിശ്വം പറഞ്ഞു.
English Summary: binoy viswam reacted shobha karandlaje hate speech
You may also like this video
