രാജ്യത്തിന്റെ സ്വാതന്ത്ര്യ സമരത്തിൽ ബിജെപി ഒരു സംഭാവനയും നൽകിയിട്ടില്ലെന്നും അതിന്റെ പ്രവർത്തകരാരും ജയിലിൽ പോയിട്ടില്ലെന്നും കോണ്ഗ്രസ് പ്രസിഡന്റ് മല്ലികാര്ജ്ജുൻ ഖാർഗെ പറഞ്ഞു. ബിജെപി രാജ്യത്തിന് സ്വാതന്ത്ര്യം നൽകിയില്ല, അവരുടെ പ്രവർത്തകരാരും ജയിലിൽ പോയിട്ടില്ല.
കോൺഗ്രസ് ഇന്ത്യക്ക് സ്വാതന്ത്ര്യം നൽകുകയും അതിന്റെ വികസനത്തിന് സംഭാവന നൽകുകയും ചെയ്തു, ഖാർഗെ അഭിപ്രായപ്പെട്ടു. രാഹുൽ ഗാന്ധിയുടെ ഭാരത് ജോഡോ യാത്രയിൽ നിന്ന് പ്രചോദനം ഉൾക്കൊണ്ട് 1000 കിലോമീറ്ററിലധികം നീണ്ട മാർച്ച് ഫ്ലാഗ് ഓഫ് ചെയ്യാൻ ബിഹാറിലെ ബങ്ക ജില്ലയിൽ എത്തിയതായിരുന്നു ഖാർഗെ.
സംസ്ഥാന തലസ്ഥാനത്ത് നിന്ന് 250 കിലോമീറ്റർ അകലെയുള്ള മന്ദർ കുന്നുകൾക്ക് സമീപമാണ് സംസ്ഥാനത്തിന്റെ ഒരു പ്രധാന ഭാഗം ഉൾക്കൊള്ളുന്ന മാർച്ച് ആരംഭിച്ചത്, കോണ്ഗ്രസ് പ്രസിഡന്റ് സ്ഥാനം ഏറ്റെടുത്തതിനുശഷം ആദ്യമായി ബിഹാർ സന്ദർശിക്കുകയായിരുന്നു ഖാർഗെ, കേന്ദ്രത്തിലെ ബിജെപി സര്ക്കാര് യുവാക്കൾക്ക് തൊഴിൽ നൽകുന്നതിൽ പരാജയപ്പെട്ടു എന്നും ഖാര്ഗെ അഭിപ്രായപ്പെട്ടു
English Summary:
BJP has not contributed to the country’s freedom struggle: Mallikarjuna Kharge
You may also like this video:
