രാജസ്ഥാനിലെ അജ്മീറില് ഭാര്യയെ കൊലപ്പെടുത്തിയ ബിജെപി നേതാവും, പെണ്സുഹൃത്തും പിടിയില്. ബിജെപി നേതാവ് രോഹിത് സെയ് നി, പെണ്സുഹഡത്ത് റിതു സെയ് നി എന്നിവരാണ് പിടിയിലായത്. മോഷ്ടാക്കള് തന്റെ ഭാര്യയെ കൊലപ്പെടുത്തിയതാണെന്നായിരുന്നു രോഹിത് ആരോപിച്ചിരുന്നത്.
ഈ മാസം 10നാണ് രോഹിത് സെയ് നിയുടെ ഭാര്യ സഞ്ജുവിനെ കൊല്ലപ്പെട്ട നിലയില് കണ്ടെത്തിയത്. പിന്നാലെ അജ്ഞാത സംഘത്തിനായി പൊലീസ് തിരച്ചില് നടത്തിയെങ്കിലും രോഹിത് പലപ്പോഴായി നല്കിയ മൊഴിയില് പൊരുത്തക്കേട് മനസിലാക്കിയ പൊലീസിന് സംശയം തോന്നുകയായിരുന്നു. കൊലപാതകം നടത്തിയത് താനാണെന്നു ബിജെപി നേതാവു കൂടിയായ രോഹിത് പൊലീസിനോട് സമ്മതിച്ചു . കൂടുതല് വിവരങ്ങള് ശേഖരിച്ച് വരികയാണെന്ന് പൊലീസ് അറിയിച്ചു