പശ്ചിമ ബംഗാളിലെ പുർബ ബർധമാനിലെ ശക്തിഗഢിൽ ബിജെപി നേതാവിനെ വെടിവച്ച് കൊലപ്പെടുത്തി. ഇന്നലെ വൈകിട്ടാണ് സംഭവം. രാജു ഝായെന്നയാളാണ് മരിച്ചത്. അജ്ഞാതരുടെ വെടിയേറ്റാണ് ബിജെപി നേതാവ് കൊല്ലപ്പെട്ടതെന്നാണ് വിവരം.
ദുർഗാപൂർ ആസ്ഥാനമായുള്ള വ്യവസായിയായ രാജു ഝായും ചില സഹപ്രവർത്തകരും കൊൽക്കത്തയിലേക്കുള്ള യാത്രാമധ്യേ ശക്തിഗഡിലെ ഒരു മിഠായിക്കടയ്ക്ക് നില്‍ക്കുമ്പോള്‍ അവിടേക്കെത്തിയ അജ്ഞാതർ വെടിവയ്ക്കുകയായിരുന്നു.
കാറിൽ രാജു ഝാ ഉൾപ്പെടെ മൂന്ന് പേരുണ്ടായിരുന്നു. ഝായെ അടുത്തുള്ള ആശുപത്രിയിൽ എത്തിച്ചെങ്കിലും മരണം സ്ഥിരീകരിച്ചു. പരിക്കേറ്റവർ ആശുപത്രിയിൽ ചികിത്സയിലാണ്. സംഭവത്തിനുപിന്നാലെ പ്രതികൾ സ്ഥലത്തുനിന്നും രക്ഷപ്പെട്ടതായും അദ്ദേഹം കൂട്ടിച്ചേർത്തു.
സംഭവത്തില്‍ കൂടുതൽ അന്വേഷണം നടക്കുകയാണെന്ന് ബർധമാൻ എസ്പി കാംനാസിസ് സെൻ പറഞ്ഞു.
English Summary: BJP leader shot dead
You may also like this video
