ആലപ്പുഴ കായംകുളത്ത് ഭാര്യയെ കൊലപ്പെടുത്തിയ ശേഷം ഭർത്താവ് ജീവനൊടുക്കിയ നിലയില്‍. കായംകുളം ചിറക്കടവത്തെ ബിജെപി പ്രാദേശിക നേതാവ് പി കെ സജിയാണ് ഭാര്യ ബിനു സജിയെ കൊലപ്പെടുത്തിയ ശേഷം ആത്മഹത്യ ചെയ്തത്. മരിച്ച ബിനു സ്കൂൾ ടീച്ചറാണ്. ഭാര്യയെ വെട്ടിക്കൊലപ്പെടുത്തിയ ശേഷം ഭർത്താവ് തൂങ്ങിമരിക്കുകയായിരുന്നുവെന്നാണ് പ്രാഥമിക നിഗമനം.
സജിയും ഭാര്യയും മാത്രമാണ് വീട്ടിലുണ്ടായിരുന്നത്. ദമ്പതിമാരുടെ ഏകമകന്‍ കോയമ്പത്തൂരില്‍ വിദ്യാര്‍ത്ഥിയാണ്. ശനിയാഴ്ച വീട്ടിലേക്ക് വിളിച്ചിട്ട് ആരും ഫോണെടുക്കാത്തതിനാല്‍ മകന്‍ സമീപവാസികളെ വിളിച്ച് കാര്യംതിരക്കി. തുടര്‍ന്ന് സമീപവാസികള്‍ വീട്ടിലെത്തി പരിശോധിച്ചതോടെയാണ് ദമ്പതിമാരുടെ മൃതദേഹങ്ങള്‍ കണ്ടെത്തിയത്. സംഭവത്തില്‍ പൊലീസ് അന്വേഷണം ആരംഭിച്ചു.
English Summary: bjp local leader commits suicide after killing wife
You may also like this video
