ജമ്മു കശ്മീര്‍ നിയമസഭ തെരഞ്ഞെടുപ്പിലേക്ക് ആദ്യ സ്ഥാനാര്‍ത്ഥി പട്ടിക ബിജെപി പുറത്ത് വിട്ടു.ആദ്യ ഘട്ട തെരഞ്ഞെടുപ്പില്‍ 15 പേരും രണ്ടാം ഘട്ടത്തില്‍ 10 പേരും മൂന്നാം ഘട്ടത്തില്‍ 19 പേരുമാണ് സ്ഥാനാര്‍ത്ഥി പട്ടികയില്‍ ഉള്‍പ്പെടുന്നത്.
ജമ്മു മേഖലയിലെ തങ്ങളുടെ ശക്തി കേന്ദ്രങ്ങള്‍ക്ക് പുറമേ അനന്ത്‌നാഗ്,അനന്ത്‌നാഗ് വെസ്റ്റ്,പാംപോര്‍,ഷോപ്പിയാന്‍ ഉള്‍പ്പെടെയുള്ള മണ്ഡലങ്ങളിലെയും സ്ഥാനാര്‍ത്ഥികളെ പുറത്ത് വിട്ടിട്ടുണ്ട്.
ജമ്മു വെസ്റ്റില്‍ നിന്ന് അരവിന്ദ് ഗുപ്തയും ജമ്മു ഈസ്റ്റില്‍ നിന്ന് യാദ്വിര്‍ സേതിയും ഇറങ്ങും.
തെരഞ്ഞെടുപ്പിനുള്ള പാര്‍ട്ടി സ്ഥാനാര്‍ത്ഥികളെ അന്തിമമാക്കാനായി ഇന്നലെ വൈകുന്നേരം ബിജെപി യോഗം ചേര്‍ന്നിരുന്നു.
സെപ്റ്റംബര്‍ 18,25 ഒക്ടോബര്‍ 1 എന്നിങ്ങനെ 3 ഘട്ടങ്ങളായാണ് ജമ്മുകശ്മീര്‍ തെരഞ്ഞെടുപ്പ് നടക്കുന്നത്.