കേന്ദ്ര ആഭ്യന്തരമന്ത്രിയും ബിജെപി നേതാവുമായ അമിത് ഷായുടെ ചെരുപ്പ് കൈകൊണ്ട് എടുത്ത് നൽകുന്ന തെലങ്കാന ബിജെപി അദ്ധ്യക്ഷൻ ബന്ദി സഞ്ജയ് കുമാറിന്റെ വീഡിയോ സോഷ്യൽ മീഡിയയിൽ വൈറലായിരുന്നു.
ഇപ്പോഴിതാ സഞ്ജയ്‌ക്കെതിരെ രൂക്ഷവിമർശനം ഉയരുകയാണ്. ക്ഷേത്ര ദർശനം കഴിഞ്ഞ് അമിത് ഷാ പുറത്തേക്ക് വരുമ്പോൾ പാർലമെന്റ് അംഗം കൂടിയായ സഞ്ജയ് കുമാർ ചെരുപ്പുകൾ എടുത്ത് അദ്ദേഹത്തിന്റെ മുന്നിൽ കൊണ്ടുവെയ്ക്കുന്നതാണ് വിമർശനത്തിന് കാരണം. സെക്കന്തരാബാദിലെ ഉജ്ജൈനി മഹാങ്കാളി ക്ഷേത്രത്തിൽ നിന്നുള്ളതായിരുന്നു വീഡിയോ.
സംസ്ഥാനത്തിന്റെ ആത്മാഭിമാനം അപകീർത്തിപ്പെടുത്തിയെന്നാണ് ഉയരുന്ന വിമർശനം. തെലങ്കാന രാഷ്ട്ര സമതി (ടിആർഎസ്) നേതാവ് കെടി രാമറാവു വീഡിയോ ട്വീറ്റ് ചെയ്യുകയും സഞ്ജയ് റാവുവിനെ അടിമയെന്ന് വിശേഷിപ്പിക്കുകയും ചെയ്തു. ഡൽഹി ഷൂസ് ചുമക്കുന്ന ഗുജറാത്തി അടിമകളെ തെലങ്കാനയിലെ ജനങ്ങൾ വീക്ഷിക്കുകയാണെന്നും അദ്ദേഹം വിമർശിച്ചു.
തെലങ്കാനയുടെ ആത്മാഭിമാനത്തെ അപകീർത്തിപ്പെടുത്താനുള്ള ഏത് ശ്രമവും തിരിച്ചടിക്കുമെന്ന് രാമറാവു ട്വീറ്റ് ചെയ്തു. തെലങ്കാനയുടെ ആത്മാഭിമാനത്തെ അവഹേളിക്കുന്നവരെ തള്ളിക്കളയാനും സംസ്ഥാനത്തിന്റെ ആത്മാഭിമാനം സംരക്ഷിക്കാനും അദ്ദേഹം ജനങ്ങളോട് ആവശ്യപ്പെട്ടു. ടിആർഎസ്സിന്റെ സോഷ്യൽ മീഡിയ കൺവീനർ വൈ സതീഷ് റെഡ്ഡിയും ബിജെപി അധ്യക്ഷനെ വിമർശിച്ചു.
English Summary: BJP Telangana President took Amit Shah’s shoes
You may also like this video:
