തമിഴ്‌നാട്ടിലെ സേലത്ത് പടക്ക കമ്പനിയിലുണ്ടായ സ്ഫോടനത്തിൽ ഒരാൾ കൊല്ലപ്പെടുകയും രണ്ട് പേർക്ക് പരിക്കേൽക്കുകയും ചെയ്തു.സംഭവത്തിൽ അനുശോചനം രേഖപ്പെടുത്തിയ തമിഴ്‌നാട് മുഖ്യമന്ത്രി എം കെ സ്റ്റാലിൽ മരിച്ചവരുടെ കുടുംബത്തിന് 3 ലക്ഷം രൂപയും പരിക്കേറ്റവർക്ക് 1ലക്ഷം രൂപയും നഷ്ട പരിഹാരം പ്രഖ്യാപിച്ചു.
കഴിഞ്ഞ ദിവസം സംസ്ഥാനത്തെ തൂത്തുക്കുടിയിലെ പടക്ക നിർമ്മാണ യൂണിറ്റിൽ തീപിടുത്തം ഉണ്ടായി ദിവസങ്ങൾക്ക് ശേഷമാണ് പ്രസ്തുത സംഭവം. ശിവശക്തി പടക്ക നിർമ്മാണ ശാലയിലുണ്ടായ തീപിടുത്തത്തിൽ രണ്ട് പേർ മരിക്കുകയും 4 പേർക്ക് പരിക്കേൽക്കുകയും ചെയ്തിരുന്നു. കല്യാണങ്ങൾക്കും ഉത്സവങ്ങൾക്കും മറ്റുമായി ഇവിടെ പടക്കം സൂക്ഷിച്ചിരുന്നതായി അധികൃതർ പറയുന്നു.