പു​ല്ലൂ​പ്പി പു​ഴ​യി​ൽ കാണാതായ ‌യു​വാ​വിന്റെ മൃതദേഹം കണ്ടെത്തി

പു​ഴ​യി​ൽ കു​ളി​ക്കാ​നി​റ​ങ്ങി​യ​പ്പോ​ൾ ഒ​ഴു​ക്കി​ൽ​പ്പെ​ട്ടു കാ​ണാ​താ​യ യു​വാ​വിന്റെ മൃതദേഹം കണ്ടെത്തി. പു​ല്ലൂ​പ്പി പാ​ല​ത്തി​നു താ​ഴെ കു​ളി​ക്കാ​നി​റ​ങ്ങി​യ അ​ത്താ​ഴ​ക്കു​ന്ന് സ്വ​ദേ​ശി പൂ​ക്കോ​ത്ത് വീ​ട്ടി​ൽ സ​നൂ​ഫി​ന്റെ (26) മൃതദേഹമാണ് ഇന്നലെ കണ്ടെത്തിയത്. വ്യാഴാഴ്ച വൈ​കു​ന്നേ​രം നാ​ലോ​ടെ സു​ഹൃ​ത്തു​ക്ക​ൾ​ക്കൊ​പ്പം പു​ല്ലൂ​പ്പി​യി​ലെ​ത്തി​യ​താ​യി​രു​ന്നു സനൂഫ്. പി​ന്നീ​ട് പു​ഴ​യി​ൽ നീ​ന്തു​ന്ന​തി​നി​ടെ സ​നൂ​ഫി​നെ കാണാതാവുകയായിരുന്നു. 

ഇ​യാ​ൾ​ക്കു​വേ​ണ്ടി വ്യാഴാഴ്ച രാ​ത്രി വൈ​കും​വ​രെ ഫ​യ​ർ​ഫോ​ഴ്സും പോ​ലീ​സും തെ​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​രുന്നില്ല. ഇതോടെ ഇ​ന്നലെ രാ​വി​ലെ മുതൽ തുടങ്ങിയ തെ​ര​ച്ചി​ലിനൊടുവിൽ ഉച്ചകഴിഞ്ഞ് മൂന്നോടെ കാണാതായതിന് എതിർവശത്തായാണ് മൃതദേഹം കണ്ടെത്തിയത്. മൃതദേഹം പോസ്റ്റുമോർട്ടത്തിനായി കണ്ണൂർ ഗവ. ആശുപത്രിയിലേക്കു മാറ്റി.

ഏ​റെ അ​പ​ക​ട​ക​ര​മാ​യ പ്ര​ദേ​ശ​മാ​ണി​ത്. ക​ഴി​ഞ്ഞ​വ​ർ​ഷം സെ​പ്റ്റം​ബ​റി​ൽ ഇ​തി​നു സ​മീ​പം തോ​ണി മ​റി​ഞ്ഞ് മൂ​ന്നു​പേ​ർ മ​രി​ച്ചി​രു​ന്നു. ഈ ​ദു​ര​ന്ത​ത്തി​നു​ശേ​ഷം പു​ഴ​യി​ൽ ആ​ളു​ക​ൾ കു​ളി​ക്കാ​നി​റ​ങ്ങു​ന്ന​തും തോ​ണി​യി​ൽ സ​ഞ്ച​രി​ക്കു​ന്ന​തും കു​റ​വാ​യി​രു​ന്നു. എ​ന്നാ​ൽ ഏ​താ​നും ദി​വ​സ​ങ്ങ​ളാ​യി എ​ല്ലാ മു​ന്ന​റി​യി​പ്പു​ക​ളും അ​വ​ഗ​ണി​ച്ച് പ​ല​രും പു​ഴ​യി​ൽ ഇ​റ​ങ്ങു​ന്ന​ത് വ്യാ​പ​ക​മാ​യി​ട്ടു​ണ്ടെ​ന്ന് പ്ര​ദേ​ശ​വാ​സി​ക​ൾ പറഞ്ഞു.

Eng­lish Sum­ma­ry: Body of miss­ing youth found in Pullupi river

You may also like this video