ബോംബ് ഭീഷണിയെത്തുടര്‍ന്ന് മുംബൈ- തിരുവനന്തപുരം എയർ ഇന്ത്യ വിമാനം അടിയന്തര ലാന്‍ഡിങ് നടത്തി. എഐസി 657 എന്ന വിമാനത്തിനാണ് ബോംബ് ഭീഷണിയുള്ളത്. പുലർച്ചെ 5.45ന് മുംബൈയിൽ നിന്ന് ടേക്കോഫ് ചെയ്ത വിമാനം തിരുവനന്തപുരം വിമാനത്താവളത്തിലാണ് അടിയന്തര ലാൻഡിങ് നടത്തിയത്.
വിമാനത്തിന് അകത്ത് ബോംബ് ഭീഷണി ഉയർന്നുവെന്ന് പൈലറ്റിന് വിവരം ലഭിക്കുകയായിരുന്നു. പൈലറ്റ് തന്നെയാണ് ഇക്കാര്യം എയർ ട്രാഫിക് കൺട്രോളറെ അറിയിച്ചത്. സംഭവത്തില്‍ അന്വേഷണം ആരംഭിച്ചു.