കേന്ദ്രവും കേരളവുമായി നിലനില്‍ക്കുന്ന കടമെടുപ്പു പരിധി തര്‍ക്കത്തിന് പരിഹാരം കണ്ടെത്താന്‍ ചര്‍ച്ചകള്‍ക്ക് സന്നദ്ധത അറിയിച്ച് കേന്ദ്രം. ഡല്‍ഹിയിലെ സംസ്ഥാന സര്‍ക്കാര്‍ പ്രതിനിധി കെ വി തോമസ് പ്രധാനമന്ത്രി നരേന്ദ്ര മോഡിയുടെ ഉപദേഷ്ടാവ് അമിത് ഖരെയുമായി നടത്തിയ കൂടിക്കാഴ്ചയ്ക്ക് ശേഷമാണ് കേന്ദ്രം ചര്‍ച്ചകള്‍ക്ക് തയ്യാറാണെന്ന് വ്യക്തമാക്കിയത്.
പ്രധാനമന്ത്രിയുടെ ഓഫീസാണ് ഇക്കാര്യം അറിയിച്ചത്. വൈകാതെ ഇത് മുഖ്യമന്ത്രി പിണറായി വിജയനെ അറിയിക്കും. സില്‍വര്‍ ലൈന്‍ പദ്ധതിയുടെ വിശദമായ പദ്ധതി റിപ്പോര്‍ട്ട് സംബന്ധിച്ച് പ്രതികരണം അറിയിക്കാമെന്നും കേന്ദ്രം വ്യക്തമാക്കിയതായി കെ വി തോമസ് പറഞ്ഞു.
English Summary: borrowing limit ; Center called for discussion
You may also like this video
