ലോക്ഡൗൺ കാലയളവിൽ കുടിശികയായ കെട്ടിട നികുതിയുടെ പലിശ ഒഴിവാക്കി നൽകുമെന്ന് റവന്യൂ മന്ത്രി കെ രാജന്‍ അറിയിച്ചു. സംസ്ഥാനത്ത് സമ്പൂർണ ലോക്ഡൗൺ പ്രഖ്യാപിച്ചിരുന്ന 2020 മാർച്ച് 25 മുതൽ മെയ് 15 വരെയുള്ള കാലയളവിൽ കുടിശികയായ ഒറ്റത്തവണ കെട്ടിട നികുതി, ആഡംബര നികുതി എന്നിവയ്ക്കുള്ള പലിശ ഒഴിവാക്കി നൽകുന്നതിനാണ് നടപടി സ്വീകരിച്ചിട്ടുള്ളത്. ലോക്ഡൗണ്‍ കാലയളവില്‍ വില്ലേജ് ഓഫീസുകളിൽ യഥാസമയം നികുതികള്‍ സ്വീകരിക്കാൻ കഴിഞ്ഞിരുന്നില്ല. അതിനാല്‍ നികുതി ഒടുക്കാന്‍ കഴിഞ്ഞില്ലെന്നും, പലിശ ഒഴിവാക്കി നൽകണമെന്നും ആവശ്യപ്പെട്ട് ലഭിച്ച അപേക്ഷകൾ പരിഗണിച്ചാണ് തീരുമാനം.
ENGLISH SUMMARY:Building tax interest will be waived: Revenue Minister
You may also like this video
