മുറ്റത്ത് കളിച്ചുകൊണ്ടുനിന്ന നാലുവയസുകാരനെ കുത്തിവീഴ്ത്തി കാള, കുട്ടിയുടെ നില ഗുരുതരം: ദൃശ്യങ്ങൾ പുറത്ത്

വീട്ടുമുറ്റത്ത് കളിച്ചുകൊണ്ടുനിന്ന നാലുവയസുകാരനെ കാള ആക്രമിച്ചു. ഉത്തര്‍പ്രദേശിലെ അലിഗഡിലാണ് സംഭവം. മുറ്റത്തു നില്‍ക്കുകയായിരുന്ന കുട്ടിയെ ഓടിയെത്തുന്ന കാള ആക്രമിക്കുകയായിരുന്നു. കുട്ടിയുടെ മേല്‍ ചാടിക്കയറുന്ന കാള, കൊമ്പുകൊണ്ട് കുട്ടിയെ തട്ടി. പിന്നീട് കുഞ്ഞിന്റെ പുറത്ത് ഇരിക്കുന്നതായും ദൃശ്യങ്ങളില്‍ കാണാം. അതുവഴി വന്ന രണ്ടുപേര്‍ പെട്ടെന്ന് കുട്ടിയെ കാളയില്‍ നിന്ന് രക്ഷപ്പെടുത്തി ആശുപത്രിയില്‍ എത്തിക്കുകയായിരുന്നു. കുഞ്ഞിന്റെ അസ്ഥിയ്ക്ക് പരിക്കേറ്റിട്ടുണ്ടെന്നാണ് വിവരം. ആശുപത്രിയില്‍ പ്രവേശിപ്പിച്ച കുഞ്ഞിന്റെ നില ഗുരതരമാണെന്ന് അധികൃതര്‍ അറിയിച്ചു.

Eng­lish Sum­ma­ry; bull attacked child in UP

You may also like this video