മഹാരാഷ്ട്രയില്‍ ബസിന് തീപിടിച്ച് 25 പേര്‍ വെന്തുമരിച്ചു. സമൃദ്ധി മഹാമാര്‍ഗ് എക്‌സ്പ്രസ് വേയിലാണ് അപകടമുണ്ടായത്. ബസിലുണ്ടായിരുന്ന എട്ടോളം പേര്‍ക്ക് പരുക്കേറ്റു. പലരുടേയും നില ഗുരുതരമാണ്. അതേസമയം മരണസംഖ്യ ഇനിയും ഉയരുമെന്നാണ് വിവരം. യവത്മാലില്‍ നിന്ന് പുണെയിലേക്ക് പോയ ബസാണ് അപകടത്തില്‍പ്പെട്ടത്.
ബുല്‍ധാനയില്‍ വെച്ച് ഇന്ന് പുലര്‍ച്ചെ രണ്ടു മണിയോടെയായിരുന്നു അപകടമുണ്ടായത്. 25 മൃതദേഹങ്ങളാണ് ബസില്‍ നിന്ന് കണ്ടെടുത്തതെന്ന് ബുല്‍ധാന ഡെപ്യൂട്ടി എസ്പി ബാബുറാവു മഹാമുനി പറഞ്ഞു. 32 പേരാണ് ബസിലുണ്ടായിരുന്നതെന്ന് വിവരം. പരിക്കേറ്റവരെ ബുല്‍ധാന സിവില്‍ ആശുപത്രിയില്‍ പ്രവേശിപ്പിച്ചതായും എസ്പി വ്യക്തമാക്കി. ബസ് പൂര്‍ണമായും കത്തിനശിച്ചു.
English Summary:Bus catches fire in Maharashtra; 25 people died
You may also like this video
