അക്രമകാരികളായ മൃഗങ്ങളെ കൊല്ലാൻ അനുമതി നൽകുന്ന ബില്ലിന് പ്രത്യേക മന്ത്രിസഭാ യോഗം അംഗീകാരം നൽകി.
ബിൽ അടുത്ത നിയമസഭാ സമ്മേളനത്തിൽ അവതരിപ്പിക്കും. അക്രമകാരികളായ മൃഗങ്ങളെ വെടിവെച്ച് കൊല്ലാമെന്നാണ് ബില്ലിലെ ഉള്ളടക്കം. മുഖ്യമന്ത്രിയുടെ അധ്യക്ഷതയില് ഓണ്ലൈനായാണ് യോഗം ചേര്ന്നത്. ജനവാസകേന്ദ്രങ്ങളില് ഇറങ്ങുന്ന അക്രമകാരികളായ മൃഗങ്ങളെ പ്രത്യേക സാഹചര്യത്തില് വെടിവച്ചുകൊല്ലാന് വരെ അനുമതി നല്കുന്ന തരത്തിലാണ് ബില് തയാറാക്കിയിരിക്കുന്നത്. ചീഫ് വൈല്ഡ് ലൈഫ് വാര്ഡന് അക്രമകാരികളായ മൃഗങ്ങളെ കൊല്ലാന് ഉത്തരവിടാന് കഴിയും.
വനം വകുപ്പുമായി ബന്ധപ്പെട്ട മറ്റൊരു ബില്ലിനുകൂടി മന്ത്രിസഭ അംഗീകാരം നൽകിയിട്ടുണ്ട്. സ്വകാര്യഭൂമിയിലെ ചന്ദനം വനം വകുപ്പ് വഴി മുറിച്ചുമാറ്റുന്നതുമായി ബന്ധപ്പെട്ട ബില്ലിനാണ് മന്ത്രിസഭായോഗം അംഗീകാരം നൽകിയത്. കഴിഞ്ഞ ഫെബ്രുവരി വരെയുള്ള കണക്കുകള് പ്രകാരം കാട്ടാനയാക്രണത്തില് മാത്രം കഴിഞ്ഞ എട്ട് വര്ഷത്തിനുള്ളില് 180 പേരാണ് സംസ്ഥാനത്ത് കൊല്ലപ്പെട്ടത്.