കനേഡിയന്‍ ജനാധിപത്യത്തിനുമേലുള്ള രണ്ടാമത്തെ വലിയ വിദേശ ഭീഷണിയാണ് ഇന്ത്യയെന്ന് കാനഡ. ചൈനയാണ് പട്ടികയില്‍ ഒന്നാമത്. കനേഡിയന്‍ പാര്‍ലമെന്റിന്റെ ഉന്നതാധികാര സമിതിയാണ് ഇതുസംബന്ധിച്ച റിപ്പോര്‍ട്ട് തയ്യാറാക്കിയത്.
ദേശീയ സുരക്ഷാ, ഇന്റലിജന്‍സ് പാര്‍ലമെന്ററി സമിതിയാണ് മേയ് മാസത്തില്‍ പ്രധാനമന്ത്രി ജസ്റ്റിന്‍ ട്രൂഡോയ്ക്ക് റിപ്പോര്‍ട്ട് സമര്‍പ്പിച്ചത്. കാനഡയ്ക്കുമേലുള്ള മൂന്നാമത്തെ വിദേശ ഭീഷണിയായി പട്ടികപ്പെടുത്തിയിരിക്കുന്നത് റഷ്യയെയാണ്. വിദേശഭീഷണി പട്ടികയില്‍ 2019 മുതലാണ് ഇന്ത്യ ഇടംപിടിച്ചത്. റിപ്പോര്‍ട്ടിന്റെ പകര്‍പ്പ് ഈയാഴ്ച പാര്‍ലമെന്റില്‍ അവതരിപ്പിക്കും. വിഷയം ഗൗരവതരമായി പരിഗണിക്കുമെന്ന് ട്രൂഡോ പാര്‍ലമെന്റില്‍ പറഞ്ഞു. 84 പേജുള്ള റിപ്പോര്‍ട്ടില്‍ 44 തവണയാണ് ഇന്ത്യയെ പരാമര്‍ശിക്കുന്നത്. കനേഡിയന്‍ ജനാധിപത്യ സംവിധാനങ്ങള്‍ക്കും പ്രക്രിയകള്‍ക്കും മേലുള്ള ഭീഷണിയായി ഇന്ത്യ വളര്‍ന്നുവരികയാണെന്ന് റിപ്പോര്‍ട്ടില്‍ പറയുന്നുണ്ട്.
English Summary:Canada says India is a threat to democracy
You may also like this video
