തമിഴ്നാട്ടില് കാര്‍ ലോറിക്ക് പിന്നില്‍ ഇടിച്ച് ഇടുക്കി സ്വദേശികളായ രണ്ട് പേര്‍ മരിച്ചു. കുമളി സ്വദേശികളായ ചക്കുപള്ളം വലിയകത്തില്‍ എബ്രഹാം തോമസ് (24), യാത്രക്കാരനായ ഷാജി എന്നിവരാണ് മരിച്ചത്. ഷാജിയുടെ ഭാര്യ ഗുരുതരമായി പരിക്കേറ്റ് ആശുപത്രിയില്‍ ചികിത്സയിലാണ്. വില്ലുപുരത്ത് ഉച്ചയ്ക്ക് മൂന്നുമണിയോടെയാണ് അപകടം ഉണ്ടായത്. നിര്‍ത്തിയിട്ടിരുന്ന ലോറിക്ക് പിന്നില്‍ ഇന്നോവ കാര്‍ ഇടിക്കുകയായിരുന്നു. മൂന്ന് പേര്‍ കാറിലുണ്ടായിരുന്നു. കാറിന്റെ മുന്‍ഭാഗം ഇടിയുടെ ആഘാതത്തില്‍ തകര്‍ന്നിരുന്നു. എബ്രഹാം തോമസും ഷാജിയും തത്ക്ഷണം മരിച്ചിരുന്നു. ഷാജി കുമളിയില്‍ സ്റ്റുഡിയോ നടത്തിയിരുന്നു.
English Summary:Car crashes into lorry parked in Tamil Nadu; Two Malayalees died
You may also like this video
