ഛത്തീസ്ഗഡിലെ കബിർധാം ജില്ലയിൽ ചരക്ക് വാഹനം തോട്ടിലേക്ക് മറിഞ്ഞു 15 പേര്‍ മരിച്ചു. എട്ടുപേര്‍ക്ക് പരിക്കേറ്റു. അപകടത്തില്‍ 14 സ്ത്രീകളും ഒരു പുരുഷനുമാണ് മരിച്ചത്. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. കുക്‌ദൂർ പൊലീസ് സ്‌റ്റേഷൻ പരിധിയിലെ ബഹ്‌പാനി ഗ്രാമത്തിന് സമീപമുള്ള വനത്തിൽ നിന്ന് തെന്റു ഇലകൾ പറിച്ച ശേഷം സംഘം പിക്ക്-അപ്പ് വാഹനത്തിൽ മടങ്ങുന്നതിനിടെയാണ് അപകടമുണ്ടായതെന്ന് പൊലീസ് ഉദ്യോഗസ്ഥർ പറഞ്ഞു. വാഹനം റോഡിൽ നിന്ന് തെന്നി തോട്ടിലേക്ക് വീഴുകയായിരുന്നു. വിവരമറിയിച്ചതിനെ തുടർന്ന് പൊലീസ് സംഘം സ്ഥലത്തെത്തി രക്ഷാപ്രവർത്തനം ആരംഭിച്ചതായി ഉദ്യോഗസ്ഥർ പറഞ്ഞു.
English Summary:Cargo vehicle overturns into stream in Chhattisgarh; 15 people died
You may also like this video
