നടിയെ ആക്രമിച്ച കേസിലെ ഒന്നാം പ്രതി പൾസർ സുനി സുപ്രീം കോടതിയിൽ ജാമ്യാപേക്ഷ സമർപ്പിച്ചു. വിചാരണ നടപടികൾ വൈകുമെന്ന് ചൂണ്ടിക്കാട്ടിയാണ് ജാമ്യാപേക്ഷ. കേസിൽ ജയിലിൽ കഴിയുന്ന ഏക പ്രതിയെന്നും പൾസർ സുനി ജാമ്യാപേക്ഷയിൽ പറയുന്നു.
കേസിലെ നാലാം പ്രതി വി പി വിജീഷിന് ഹൈക്കോടതി ഇന്നലെ ഉപാധികളോടെ ജാമ്യം അനുവദിച്ചിരുന്നു. കേസിലെ രണ്ടാം പ്രതി മാർട്ടിൻ ആന്റണിക്ക് സുപ്രീം കോടതി നേരത്തെ ജാമ്യം അനുവദിച്ചിരുന്നു.
നേരത്തെ ഹൈക്കോടതി പൾസർ സുനിയുടെ ജാമ്യാപേക്ഷ തള്ളിയിരുന്നു. കേസിൽ തുടരന്വേഷണം നടക്കുന്നതും ജാമ്യാപേക്ഷയിൽ പൾസർ സുനി ചൂണ്ടിക്കാട്ടുന്നുണ്ട്. 2017 ഫെബ്രുവരി 23നാണ് പൾസർ സുനിയെ അറസ്റ്റ് ചെയ്തത്.
English summary;Case of assault on actress; Pulsar Suni has filed a bail application in the Supreme Court
You may also like this video;
