റാണിപുരം മലമുകളിലേക്കുള്ള നടപ്പാതയില്‍ കാട്ടാനക്കൂട്ടമിറങ്ങിയതോടെ വിനോദസഞ്ചാരികളുടെ ട്രക്കിംഗ് നിര്‍ത്തിവെച്ചു. വനസംരക്ഷണ സമിതി വാച്ചര്‍മാര്‍ എല്ലാ ദിവസവും രാവിലെ പരിശോധന നടത്തി ആനയില്ല എന്ന് ഉറപ്പാക്കിയ ശേഷമാണ് സഞ്ചാരികളെ കടത്തിവിടാറുള്ള. ഇന്നലെ രാവിലെ 8.30ഓടെ നടത്തിയ പരിശോധനയിലാണ് മാനിപ്പുറത്ത് കൊമ്പനാനയെ കണ്ടത്. ഇതേത്തുടര്‍ന്ന് സഞ്ചാരികളുടെ സുരക്ഷ കണക്കിലെടുത്താണ് ട്രക്കിംഗ് താത്കാലികമായി നിര്‍ത്തിവെച്ചു. ഉച്ചയ്ക്ക് വനസംരക്ഷണ സമിതി സെക്രട്ടറി ഡി.വിമല്‍രാജന്റെ നേതൃത്വത്തില്‍ വീണ്ടും പരിശോധന നടത്തിയപ്പോള്‍ നാല് ആനകള്‍ അടങ്ങിയ സംഘത്തെ കണ്ടെത്തി. ഇന്നു രാവിലെ പരിശോധിച്ച് ആനയില്ലെന്ന് ഉറപ്പാക്കിയാല്‍ മാത്രമേ ആളുകളെ കടത്തിവിടുകയുള്ളൂ.
റാണിപുരത്ത് കാട്ടാനക്കൂട്ടം; ട്രക്കിംഗ് നിര്‍ത്തിവെച്ചു
