കൊച്ചി-ധനുഷ്ക്കോടി ദേശീയ പാതയില്‍ പൂപ്പാറയ്ക്കും ചിന്നക്കനാലിനുമിടയില്‍ ചക്കക്കൊമ്പനെ കാറിടിച്ചു. ചൊവ്വാഴ്ച രാത്രി ഏഴ് മണിയോടെയാണ് അപകടം. പൂപ്പാറ ചൂണ്ടല്‍ സ്വദേശി തങ്കരാജിന്റെ വാഹനമാണ് ഇടിച്ചത്. തങ്കരാജ് ഉള്‍പ്പെടെ വാഹനത്തിലുണ്ടായിരുന്ന നാല് പേര്‍ക്ക് പരിക്കേറ്റു.
അപകടം നടന്ന ഉടനെ ആന അക്രമാസക്തനാകുകയും കാറിന്റെ മുന്‍ഭാഗം ചവിട്ടി തകര്‍ക്കുകയും ചെയ്തു. അപകടത്തില്‍ ആനയ്ക്ക് പരിക്കേറ്റിട്ടുണ്ടോയെന്നത് സംബന്ധിച്ച് പരിശോധന ബുധനാഴ്ച നടക്കും. ഇരുട്ടായതിനാല്‍ റോഡില്‍ ആന നില്‍ക്കുന്നത് ഡ്രൈവറുടെ ശ്രദ്ധയില്‍പ്പെട്ടിരുന്നില്ല. പരിക്കേറ്റവരെ തേനി മെ‍ഡിക്കല്‍ കോളജില്‍ പ്രവേശിപ്പിച്ചു. ആരുടെയും പരിക്ക് ഗരുതരമല്ലെന്നാണ് വിവിരം.
English Summary;Chakkakomban was hit by a car; including injuries to the driver
You may also like this video
