വയനാട്ടിലെ സര്‍വകക്ഷിയോഗം പൂര്‍ത്തിയാക്കിയതിന്‌ശേഷം മുഖ്യമന്ത്രി പിണറായി വിജയന്‍ മാധ്യമങ്ങളോട് സംസാരിച്ചു.എല്ലാവരും ഒരേ മനസ്സോടെ പ്രതികരിച്ചുവെന്ന് മുഖ്യമന്ത്രി പറഞ്ഞു.സൈന്യം മികവാര്‍ന്ന രക്ഷാപ്രവര്‍ത്തനം നടത്തിയെന്ന് മുഖ്യമന്ത്രി പറഞ്ഞു.പാലം നിര്‍മിച്ചത് ദൗത്യത്തില്‍ നിര്‍ണായകമായി.ചാലിയാര്‍ പുഴയില്‍ തെരച്ചില്‍ തുടരും.ക്യാമ്പില്‍ നിയന്ത്രണങ്ങള്‍ ഏര്‍പ്പെടുത്തുമെന്നും ഒരു കാരണവശാലും മാധ്യമങ്ങള്‍ ക്യാമ്പിനുള്ളില്‍ പ്രവേശിക്കരുതെന്നും മുഖ്യമന്ത്രി പറഞ്ഞു.ക്യാമ്പിലെ ആളുകളെ സന്ദര്‍ശിക്കാനെത്തുന്നവരും ക്യാംപിന് പുറത്ത് റിസപ്ഷന്‍ പോലെയുള്ള സൗകര്യം ഏര്‍പ്പെടുത്തുമെന്നും അവിടെ വച്ച് ആളുകളെ കണ്ടതിന് ശേഷം മടങ്ങണമെന്നും പിണറായി വിജയന്‍ പറഞ്ഞു.പുനരധിവാസം ഫലപ്രദമായി നടപ്പിലാക്കുമെന്നും മുഖ്യമന്ത്രി പറഞ്ഞു.ക്യാമ്പില്‍ കഴിയുന്ന കുട്ടികളുടെ വിദ്യാഭ്യാസം തുടരാനുള്ള സൗകര്യം ഒരുക്കുമെന്നും മുഖ്യമന്ത്രി പറഞ്ഞു.ക്യാമ്പില്‍ കുറേയധികം ആളുകള്‍ ഒരുമിച്ച് കഴിയുന്നതിനാല്‍ പകര്‍ച്ചവ്യാധി തടയാനുള്ള മാര്‍ഗങ്ങള്‍ അവലംബിക്കുമെന്നും മുഖ്യമന്ത്രി പറഞ്ഞു.
English Summary;Chief Minister Pinarayi Vijayan meets the media
സര്‍വകക്ഷിയോഗത്തിന് ശേഷം മാധ്യമങ്ങളെ കണ്ട് മുഖ്യമന്ത്രി
