തമിഴ്നാട്ടില് വ്യാപകമായി ചിക്കുൻഗുനിയ പടരുന്ന സാഹചര്യത്തില് സംസ്ഥാന വ്യാപകമായി ഡയറക്ടറേറ്റ് ഓഫ് പബ്ലിക് ഹെൽത്ത് ആൻഡ് പ്രിവന്റീവ് മെഡിസിൻ (ഡിപിഎച്ച്) ജാഗ്രതാ നിർദേശം പുറപ്പെടുവിച്ചു. രോഗം കൂടുതൽ പകരുന്നത് തടയുന്നതിന് നിരീക്ഷണം, രോഗനിർണയം, കൊതുക് നിയന്ത്രണ പ്രവർത്തനങ്ങൾ എന്നിവ ശക്തമാക്കാൻ ജില്ലാ ഭരണകൂടങ്ങൾക്കും നഗര ആരോഗ്യ സ്ഥാപനങ്ങൾക്കും നിർദ്ദേശം നൽകിയിട്ടുണ്ട്.
ചെന്നൈ, വില്ലുപുരം, തെങ്കാശി, തേനി, കടലൂർ, ചെങ്കൽപ്പട്ട്, കാഞ്ചീപുരം, അരിയല്ലൂർ എന്നീ ജില്ലകളിൽ കേസുകളുടെ വർദ്ധനവ് രേഖപ്പെടുത്തിയിട്ടുണ്ട്. നിരീക്ഷണവും നിയന്ത്രണവും ശക്തിപ്പെടുത്തുന്നതിനായി പനി സാധ്യതയുള്ള പ്രദേശങ്ങളിൽ ആവശ്യത്തിന് രക്തസാമ്പിളുകൾ ശേഖരിക്കാൻ ഫീൽഡ് ഉദ്യോഗസ്ഥർക്ക് നിർദ്ദേശം നൽകിയിട്ടുണ്ട്.