സിപിഐ സംസ്ഥാന സെക്രട്ടറിയും ദേശീയ നേതാവുമായിരുന്ന സി കെ ചന്ദ്രപ്പന്റെ ചരമദിനം ഇന്ന് ആചരിക്കും. 12-ാം ചരമവാർഷികദിനത്തിൽ പാർട്ടി ഓഫിസുകൾ രക്തപതാക കൊണ്ട് അലങ്കരിച്ചും ചിത്രത്തിൽ പുഷ്പാർച്ചന നടത്തിയും സ്മരണ പുതുക്കാൻ പാർട്ടി ഘടകങ്ങളോട് സംസ്ഥാന സെക്രട്ടറി ബിനോയ് വിശ്വം അഭ്യർത്ഥിച്ചു.
തിരുവനന്തപുരത്ത് പി എസ് സ്മാരകത്തിൽ രാവിലെ ഒമ്പതിന് പന്ന്യൻ രവീന്ദ്രൻ പതാക ഉയർത്തി പുഷ്പാർച്ചന നടത്തും.
ആലപ്പുഴ വലിയചുടുകാട്ടിലെ സ്മൃതി മണ്ഡപത്തിൽ രാവിലെ ഒമ്പതിന് പുഷ്പാർച്ചനയ്ക്ക് ദേശീയ എക്സിക്യൂട്ടീവ് അംഗം കെ പ്രകാശ് ബാബു നേതൃത്വം നൽകും. വൈകിട്ട് അഞ്ചിന് ചേർത്തല മുനിസിപ്പൽ മൈതാനിയിൽ നടക്കുന്ന സി കെ ചന്ദ്രപ്പൻ, കെ ആർ സ്വാമിനാഥൻ അനുസ്മരണ സമ്മേളനം സംസ്ഥാന സെക്രട്ടറി ബിനോയ് വിശ്വം ഉദ്ഘാടനം ചെയ്യും.
English Summary: CK Chandrapan commemoration today
You may also like this video
