കർഷകരുടെ പരാതികളെല്ലാം രമ്യമായി പരിഹരിക്കുന്നതിനുള്ള സമിതി അടിയന്തരമായി രൂപീകരിക്കുമെന്ന് സുപ്രീം കോടതി. കര്‍ഷക കരിനിയമങ്ങളില്‍ പ്രതിഷേധിച്ച് ഫെബ്രുവരി 13 മുതൽ അംബാലയ്ക്ക് സമീപമുള്ള ശംഭു അതിർത്തിയിൽ ക്യാമ്പ് ചെയ്യുന്ന കര്‍ഷകര്‍ സ്ഥാപിച്ചിട്ടുള്ള ബാരിക്കേഡുകൾ ഒരാഴ്ചയ്ക്കകം നീക്കം ചെയ്യണമെന്ന ഹൈക്കോടതി ഉത്തരവിനെ ചോദ്യം ചെയ്ത് ഹരിയാന സർക്കാർ നൽകിയ ഹർജി പരിഗണിക്കുകയായിരുന്നു കോടതി.
ജസ്റ്റിസ് സൂര്യകാന്ത്, ജസ്റ്റിസ് ദീപങ്കർ ദത്ത, ജസ്റ്റിസ് ഉജ്ജൽ ഭൂയാൻ എന്നിവരടങ്ങിയ ബെഞ്ചാണ് ഹര്‍ജി പരിഗണിച്ചത്.
കൂടുതൽ വാദം കേൾക്കുന്നതിനായി കേസ് സെപ്റ്റംബർ രണ്ടിന് മാറ്റിവെച്ചു.