മന്ത്രി ജി ആര്‍ അനില്‍ ഇടപെട്ട പരാതിയില്‍ നടപടി. പരാതിക്കാരിയുടെ രണ്ടാം ഭര്‍ത്താവിനെ പൊലീസ് അറസ്റ്റ് ചെയ്തു. നാലാഞ്ചിറ സ്വദേശി ചെറി ചെറിയാന്‍ തോമസിനെയാണ് അറസ്റ്റ് ചെയ്തത്. ഇന്ന് ഉച്ചയ്ക്ക് ശേഷം പ്രതിയെ കോടതിയില്‍ ഹാജരാക്കും. യുവതിയെയും കുട്ടിയെയും ഇയാള്‍ ക്രൂരമായി ഉപദ്രവിച്ചെന്നായിരുന്നു പരാതി. നെടുമങ്ങാട് സ്വദേശിനിയാണ് യുവതി. ജുവനൈല്‍ ജസ്റ്റിസ് നിയമ പ്രകാരമാണ് പൊലീസ് കേസെടുത്തത്.
കൂടുതല്‍ വകുപ്പുകള്‍ ചുമത്തുന്നത് പരിഗണനയിലെന്നും പൊലീസ് അറിയിച്ചു. പരാതി അന്വേഷിക്കാന്‍ വിളിച്ച മന്ത്രി ജി ആര്‍ അനിലിനോട് വട്ടപ്പാറ സി ഐ തട്ടിക്കയറിയതിന് കഴിഞ്ഞ ദിവസം നടപടിയെടുത്തിരുന്നു.
English Summary:Complaint involving Minister GR Anil; The second husband of the complainant was arrested
You may also like this video
