പശ്ചിമബംഗാളില്‍ തൃണമൂല്‍ കോണ്‍ഗ്രസ് നേതാവായ മകന്‍റെ വീടിന് നേരെ ബോബെറിഞ്ഞ കേസില്‍ പിതാവായ കോണ്‍ഗ്രസ് നേതാവ് അറസ്റ്റില്‍.ടിഎംസി യുവജന സംഘടനാ നേതാവായ അനിസുര്‍ ഷെയ്ഖിന്‍റെ വീടിന് നേരെയാണ് 62 കാരനായ പിതാവ് സഹിറുദ്ദീന്‍ ഷെയ്ഖ് ബോബേറ് നടത്തിയത്.
ആക്രമത്തില്‍ ആര്‍ക്കും പരിക്കേററിട്ടില്ല.കഴിഞ്ഞ ദിവസം മുര്‍ഷിദാബാദ് ജില്ലയിലായിരുന്നു സംഭവം.അടുത്ത പഞ്ചായത്ത് തെരഞെ‍ടുപ്പില്‍ താന്‍ മത്സരിക്കാതിരിക്കാന്‍ വേണ്ടിയാണ് വിടിന് നേരെ പിതാവ് അക്രമം നടത്തിയതെന്നു അനിസൂര്‍ പറയുന്നു. എന്നാല്‍ മകന്‍ തന്നെ കള്ളക്കേസില്‍ കുടുക്കിയതാണെന്നാണ് സഹിറുദ്ദീന്‍ പറയുന്നത്.
മകനും, ടിഎംസി നേതാവുമായ മരുമകളുമാണ് കള്ളക്കേസിനു പിന്നിലെന്നും അദ്ദേഹം അഭിപ്രായപ്പെട്ടു.2018ലെ പഞ്ചായത്ത് തെരഞ്ഞെടുപ്പ് വേളയില്‍ അനിസുറും ഭാര്യയും തൃണമൂല്‍ കോണ്‍ഗ്രസില്‍ ചേര്‍ന്നതോടെയാണ് പിതാവുമായി അകന്നതെന്നാണ് പ്രദേശവാസികള്‍ പറയുന്നത്.
English Summary:
Complaint that the father Congress leader threw a bomb at the house of his son, a Trinamool Congress leader
You may also like this video:
