കെഎസ്ആര്ടിസി ബസില് വിദ്യാര്ത്ഥിനിക്ക് നേരെ അതിക്രമം നടത്തിയ കണ്ടക്ടറെ പൊലീസ് അറസ്റ്റ് ചെയ്തു. ഈസ്റ്റ് ഒറ്റപ്പാലത്തുവെച്ചാണ് ഗുരുവായൂര് സ്വദേശിയായ പെണ്കുട്ടിക്കുനേരെ അതിക്രമമുണ്ടായത്. ഇന്നലെ രാത്രി കോയമ്പത്തൂര്-ഗുരുവായൂര് കെഎസ്ആര്ടിസി ബസിലാണ് പെണ്കുട്ടിക്ക് ദുരനുഭവമുണ്ടായത്.
പെണ്കുട്ടിയുടെ പരാതിയുടെ അടിസ്ഥാനത്തില് ഒറ്റപ്പാലം പൊലീസ് കേസെടുക്കുകയും ബസ് കണ്ടക്ടറെ കസ്റ്റഡിയിലെടുക്കുകയും ചെയ്തു. വിദ്യാര്ത്ഥിനി ഉടന് തന്നെ പൊലീസിന്റെ ഔദ്യോഗിക നമ്പറില് വിളിച്ച് പരാതിപ്പെടുകയായിരുന്നു. പട്ടാമ്പിയില്വെച്ചാണ് കണ്ടക്ടറെ പൊലീസ് പിടികൂടിയത്.