തെരഞ്ഞെടുപ്പ് നടക്കുന്ന സ്ഥലത്തേയ്ക്ക് അനധികൃതമായി കൊണ്ടുപോകുകയായിരുന്ന ഇരുപത് ലക്ഷത്തോളം രൂപ പൊലീസ് കോണ്‍ഗ്രസ് നേതാവിന്റെ കാറില്‍ നിന്നും കണ്ടെടുത്തു. തെലങ്കാനയിലെ ഗട്ടുപാല്‍ പ്രദേശത്തെ മുനുഗോഡ് മണ്ഡലത്തിലേക്കുള്ള വഴിയില്‍വച്ചാണ് പൊലീസ് നേതാവിന്റെ വാഹനം പിടിച്ചത്. പരിശോധനയ്ക്കിടെ മാരുതി ബ്രെസയില്‍ നിന്ന് കോണ്‍ഗ്രസിന്റെ പതാകയും 19 ലക്ഷം രൂപയും കണ്ടെത്തിയതായും പൊലീസ് അറിയിച്ചു. കോണ്‍ഗ്രസ് നേതാവ് സി രാമകൃഷ്ണ റെഡ്ഡിയുടെ ഉടമസ്ഥതയിലുള്ള കാറാണ് പിടിച്ചെടുത്തത്.
തിങ്കളാഴ്ച ഇവിടത്തെ തന്നെ ബിജെപി നേതാവിന്റെ വാഹനത്തില്‍ നിന്ന് ഒരു കോടി രൂപയും പൊലീസ് പിടിച്ചെടുത്തിരുന്നു. ഇന്നത്തെ സംഭവംകൂടി റിപ്പോര്‍ട്ട് ചെയ്തതോടെ സ്ഥലത്തെ പരിശോധന കര്‍ശനമാക്കിയിരിക്കുകയാണ് പൊലീസ്.
English Summary: Congress after BJP: Police found Rs 19 lakh in the car of Congress leader during vehicle inspection
You may like this video also
