തെരഞ്ഞെടുപ്പ് ജനഹിതം അറിയേണ്ട വേദിയാണെന്നിരിക്കെ കോണ്‍ഗ്രസും ബിജെപിയും ജനഹിതത്തെ പണഹിതം ആക്കുകയാണെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. ചീത്തപ്പണം ചാക്കിലും ആംബുലന്‍സിലും ട്രോളി ബാഗിലും വരുന്നുണ്ട്. എന്തായാലും വല്ലാത്തൊരു പ്രതിസന്ധിയാണിത്. ജനാധിപത്യ വ്യവസ്ഥയിന്മേലുള്ള ആക്രമണത്തിന് വേണ്ടി പണാധിപത്യത്തിന്റെ ഈ നീക്കത്തില്‍ ബിജെപിയും കോണ്‍ഗ്രസും കൂട്ടായി അവര്‍ക്ക് പിന്തുണയേകുകയാണ്.
സ്ഥാനാര്‍ത്ഥികള്‍ ചിലര്‍ ആംബുലന്‍സില്‍ വരുന്നു, പണം ചിലപ്പോള്‍ ചാക്കിലും, ട്രക്കിലും ട്രോളി ബാഗിലും വരുന്നു എന്നെല്ലാം കേള്‍ക്കുമ്പോള്‍ ജനങ്ങള്‍ക്കറിയേണ്ടത് ഇതിന്റെ വസ്തുതയാണെന്നും അദ്ദേഹം പറഞ്ഞു.