ലൈംഗീകാരോപണ പരാതികള് നേരിടുന്ന രാഹുല്മാങ്കൂട്ടത്തില് പാലക്കാട് മണ്ഡലത്തില് സജീവമാകുന്നതിനു പിന്നില് കോണ്ഗ്രസ് നേതൃത്വത്തിന്റെ മൗനാനുവാദം. തദ്ദേശ തെരഞ്ഞെടുപ്പ് അടുത്തിരിക്കെ മണ്ഡലത്തില് രാഹുല് സജീവമാകണമെന്ന ആവശ്യം ഡിസിസി നേതൃത്വവും മുസ്ലിം ലീഗും കോണ്ഗ്രസ് സംസ്ഥാന നേതാക്കളെ അറിയിച്ചിരുന്നു.
മണ്ഡലത്തിലെത്തിയ രാഹുല് കെപിസിസി പ്രസിഡന്റുമായും ചില നേതാക്കളുമായും ചര്ച്ച നടത്തിയതായാണ് വിവരം. ഇക്കാര്യം ജില്ലാ നേതൃത്വവും അംഗീകരിക്കുന്നുണ്ട്. എംഎല്എ എന്ന നിലയില് ആരോപണ വിധേയനായിട്ടും രാഹുലിന് പൂര്ണ പിന്തുണ നല്കാനാണ് സംസ്ഥാന നേതൃത്വം ജില്ലാ നേതൃത്വത്തിനും നിര്ദേശം നല്കിയത്.വിവാദങ്ങള്ക്കിടെ 38 ദിവസത്തിന് ശേഷം ഇന്നലെയാണ് രാഹുല് പാലക്കാട് എത്തിയത്