കോണ്‍ഗ്രസ് പ്രസിഡന്‍റ് സ്ഥാനത്തേക്കുള്ള അവസാന ചിത്രം തെളിഞ്ഞിരിക്കെ മുതിര്‍ന്ന കോണ്‍ഗ്രസ് നേതാവ് എ കെ ആന്റണിയുടെ മകന്‍ അനില്‍ കെ ആന്‍റണി ശശിതരൂരിന് പരസ്യ പിന്തുണയുമായി രംഗത്ത് പ്രസിഡന്‍റ് തെരഞ്ഞെടുപ്പില്‍ മല്ലികാര്‍ജ്ജുനഖാര്‍ഗയ്ക്ക് നാമനിര്‍ദ്ദേശപത്രികയില്‍ ആന്‍റണിയാണ് ഒന്നാമതായി ഒപ്പുവെച്ചിട്ടുള്ളത്.
ഫെയ്സ്ബുക്കിലൂടെയാണ് അനിൽ തരൂരിന് ആശംസ അറിയിച്ചത്. ശശി തരൂരിനെക്കാൾ വലിയ നെഹ്‌റുവിയൻ കോൺഗ്രസ് പാർട്ടിയിൽ ഇല്ലെന്നാണ് അനിൽ കെ ആന്റണിയുടെ കുറിപ്പ്. തരൂർ മുന്നോട്ടുവെക്കുന്ന ആശയം കോൺഗ്രസിന്റെ വീണ്ടെടുപ്പിന് അനിവാര്യമാണെന്നും അനിൽ പറയുന്നു. കോൺഗ്രസിൽ മാറ്റം ആഗ്രഹിക്കുന്ന പുതുതലമുറ നേതാക്കൾ തനിക്കൊപ്പം നിൽക്കുമെന്ന് ശശി തരുർ കഴിഞ്ഞ ദിവസം പറഞ്ഞിരുന്നു.
മുതിർന്ന നേതാവായിരുന്ന അന്തരിച്ച ജി കാർത്തികേയന്റെ മകനും യൂത്ത് കോൺഗ്രസ് നേതാവുമായ ശബരീനാഥനാണ് തരൂരിന്റെ നാമനിർദേശ പട്ടികയിൽ പിന്തുണച്ച ഒരാൾ.കെപിസിസിയുടെ സോഷ്യൽ മീഡിയ കൺവീനർ കൂടിയാണ് അനില്‍ ആന്‍റണി
English Summary:
Congress President Election: Antony’s son supports Shashi Tharoor
You may also like this video:
