കോണ്‍ഗ്രസ് പ്രസിഡന്‍റ് മല്ലികാര്‍ജ്ജുന്‍ ഖാര്‍ഗെ വധിക്കാന്‍ ബിജെപി ശ്രമിക്കുന്നതായി ഗുരുതര ആരോപണവുമായി കോണ്‍ഗ്രസ്പാര്‍ട്ടി രംഗത്ത്. കര്‍ണാടക നിയമസഭാ തെരഞ്ഞെടുപ്പിന് ദിവസങ്ങള്‍ മാത്രം ബാക്കി നില്‍ക്കെയാണ് കോണ്‍ഗ്രിസന്‍റെ ആരോപണം
ചിത്താപൂരിലെ ബിജെപി സ്ഥാനാര്‍ഥി മണികാന്ത് റാത്തോഡിന്റെ ശബ്ദ സന്ദേശം പത്രസമ്മേളനത്തില്‍ കോണ്‍ഗ്രസ് പുറത്ത് വിട്ടു. ഖാര്‍ഗെക്കെതിരെ അസഭ്യവാക്കുകള്‍ ഉപയോഗിക്കുകയും തീര്‍ത്തു കളയുമെന്ന് ഭീഷണിപ്പെടുത്തുകയും ചെയ്യുന്നതാണ് ശബ്ദരേഖ
കോണ്‍ഗ്രസ് അധ്യക്ഷനെയും കുടുംബത്തെയും വധിക്കാന്‍ ഗൂഢാലോചന നടത്തുന്നത് തളളികളയേണ്ട ഒന്നല്ലെന്ന് കോണ്‍ഗ്രസ് നേതാവ് രണ്‍ദീപ് സുര്‍ജെവാല പത്രസമ്മേളനത്തില്‍ പറഞ്ഞു.ഇതൊരു സാധാരണക്കാരനല്ല പറഞ്ഞിരിക്കുന്നത്. ചിത്താപൂര്‍ ബിജെപി സ്ഥാനാര്‍ഥിയാണ്. എന്നെക്കാള്‍ നന്നായി ഇവരെ കുറിച്ചെല്ലാം നിങ്ങള്‍ക്ക് അറിയാവുന്നതാണ് സുര്‍ജെവാല പറഞ്ഞു.
പ്രധാനമന്ത്രിയും കര്‍ണാടക പൊലീസും ഇന്ത്യന്‍ തെരഞ്ഞെടുപ്പ് കമ്മീഷനും നിശബ്ദനായിരിക്കുമെന്ന് എനിക്കറിയാം.എന്നാല്‍ കര്‍ണാടകയിലെ ജനങ്ങള്‍ക്ക് മിണ്ടാതിരിക്കാനാകില്ല. അവര്‍ ഇതിന് ഉചിതമായ മറുപടി നല്‍കും സുര്‍ജേവാല അഭിപ്രായപ്പെട്ടുശബ്ദരേഖ പിന്നീട് കോണ്‍ഗ്രസ് സോഷ്യല്‍ മീഡിയയിലും പങ്കുവെച്ചു. ഖാര്‍ഗെയുടെ മകന്‍ പ്രിയങ്ക് മത്സരിക്കുന്ന മണ്ഡലമാണ് ചിത്താപൂര്‍.
English Summary:
Congress says BJP has conspired to kill Mallikarjun Kharge
You may also like this video:
