മേഘാലയ മുഖ്യമന്ത്രിയായി കോൺറാഡ് സാങ്മ സത്യപ്രതിജ്ഞചെയ്തു. പുതിയ സർക്കാർ ‘മേഘാലയ ഡെമോക്രാറ്റിക് അലൈൻസ് 2.0’ എന്നറിയപ്പെടും. ഷില്ലോങ് രാജ്ഭവനിലായിരുന്നു ചടങ്ങുകള്‍. പ്രിസ്റ്റോൺ ടിൻസോങ്, സ്നിയാവ് ഭലാംഗ് ധര്‍ എന്നിവര്‍ ഉപമുഖ്യമന്ത്രിമാരായും സത്യപ്രതിജ്ഞ ചെയ്തു. പ്രധാനമന്ത്രി നരേന്ദ്ര മോഡി, കേന്ദ്ര ആഭ്യന്തര മന്ത്രി അമിത് ഷാ, ബിജെപി ദേശീയ പ്രസിഡന്റ് ജെ പി നദ്ദ എന്നിവർ ചടങ്ങിൽ പങ്കെടുത്തു. സാങ്മ മന്ത്രിസഭയിൽ 12 മന്ത്രിമാരാണുള്ളത്. എട്ട് പേർ എൻപിപിയിൽ നിന്നും രണ്ട് പേർ യുഡിപിയിൽ നിന്നും ഒരാൾ വീതം ഹിൽ സ്റ്റേറ്റ് പീപ്പിൾസ് ഡെമോക്രാറ്റിക് പാർട്ടിയിൽ നിന്നും ബിജെപിയിൽ നിന്നുമാണ്.
English Sammury: Meghalaya CM Conrad Sangma and Cabinet sworn
