ഗസറ്റ് വിജ്ഞാപനം വഴി തിരുത്തിയ പേര് ജനന രജിസ്റ്ററിലും തിരുത്തുന്നത് സംബന്ധിച്ച് നടപടിക്രമങ്ങള്‍ ലളിതമാക്കി സര്‍ക്കാര്‍ മാര്‍ഗനിര്‍ദേശം പുറപ്പെടുവിച്ചു. ഗസറ്റ് വിജ്ഞാപനം വഴി മാറ്റിയ പേര് സ്കൂള്‍ അഡ്മിഷന്‍ രജിസ്റ്ററിലും എസ്എസ്എല്‍സി സര്‍ട്ടിഫിക്കറ്റിലും തിരുത്തിയ ശേഷം അതിന്റെ അടിസ്ഥാനത്തില്‍ ജനന രജിസ്ട്രേഷനില്‍ ഒറ്റത്തവണ തിരുത്തല്‍ വരുത്താവുന്നതാണെന്ന് തദ്ദേശ സ്വയംഭരണ വകുപ്പ് അറിയിച്ചു.
കൂടാതെ, നിലവിലെ പേരില്‍ അക്ഷരത്തെറ്റ് മാത്രമാണ് മാറ്റേണ്ടതെങ്കില്‍ ഗസറ്റില്‍ പേര് തിരുത്തി പ്രസിദ്ധീകരിക്കേണ്ട ആവശ്യമില്ലെന്നും സര്‍ക്കാര്‍ വ്യക്തമാക്കി. നേരിട്ട് ജനന സര്‍ട്ടിഫിക്കറ്റില്‍ തിരുത്തി, അതിന്റെ അടിസ്ഥാനത്തില്‍ സ്കൂള്‍ രേഖയിലും ഒറ്റത്തവണ തിരുത്തല്‍ വരുത്താവുന്നതാണെന്ന് തദ്ദേശ സ്വയംഭരണ വകുപ്പ് പുറത്തിറക്കിയ സര്‍ക്കുലറിലൂടെ അറിയിച്ചു.
English Summary: Correction of Birth Register; Procedures simplified
You may also like this video
