ഇറ്റലിയില്‍ നിന്ന് രണ്ട് പ്രത്യേക വിമാനങ്ങളില്‍ അമൃത്‌സറിലെത്തിയ 295 പേര്‍ക്ക് കോവിഡ് സ്ഥിരീകരിച്ച സംഭവത്തില്‍ സ്വകാര്യ ലബോറട്ടറിക്കെതിരെ അന്വേഷണത്തിന് ഉത്തരവിട്ടു. പരിശോധനാ റിപ്പോര്‍ട്ടുകള്‍ തെറ്റാണെന്ന് നിരവധി യാത്രക്കാര്‍ ആരോപണം ഉന്നയിച്ചതിനെ തുടര്‍ന്നാണ് നടപടി. വിമാനത്താവളത്തിലെ സേവനങ്ങളില്‍ നിന്നും ഡല്‍ഹി അടിസ്ഥാനമായി പ്രവര്‍ത്തിക്കുന്ന ലബോറട്ടറിയെ എയര്‍പോര്‍ട്ട് അതോറിറ്റി ഓഫ് ഇന്ത്യ മാറ്റി.
വിമാനത്തിൽ കയറുന്നതിന് മണിക്കൂറുകൾക്ക് മുമ്പുള്ള പരിശോധനാ ഫലം നെഗറ്റീവ് ആയതിനാൽ അമൃത്‌സറിലെ റിപ്പോര്‍ട്ട് തെറ്റാണെന്നായിരുന്നു യാത്രക്കാരുടെ ആരോപണം. സംഭവത്തെ തുടര്‍ന്ന് ലാബിനെതിരെ വിമാനത്താവളത്തില്‍ വന്‍ പ്രതിഷേധവും ഉയര്‍ന്നിരുന്നു. ഇറ്റലിയിലെ മിലനില്‍ നിന്നും റോമില്‍ നിന്നും തൊട്ടടുത്ത ദിവസങ്ങളില്‍ അമൃത്‌സറിലെത്തിയ യാത്രക്കാര്‍ക്കാണ് വിമാനത്താവളത്തിലെ പരിശോധനയില്‍ കോവിഡ് പോസിറ്റീവായത്. എന്നാല്‍ ഇവരില്‍ ചിലരെ പിന്നീട് പരിശോധനയ്ക്ക് വിധേയമാക്കിയപ്പോള്‍ ഫലം നെഗറ്റീവ് ആയിരുന്നുവെന്ന് അധികൃതര്‍ പറഞ്ഞു.
ENGLISH SUMMARY:Covid for those from Italy: Investigation against the lab
You may also like this video
