സിപിഐ 24-ാം പാർട്ടി കോൺഗ്രസിനു മുന്നോടിയായുള്ള ബ്രാഞ്ച് സമ്മേളനങ്ങൾക്ക് ഇന്ന് തുടക്കമാകും. ഫെബ്രുവരി — മാർച്ച് മാസങ്ങളിലായി ബ്രാഞ്ച് സമ്മേളനങ്ങൾ പൂർത്തിയാകും. ഏപ്രിൽ — മെയ് മാസങ്ങളിൽ ലോക്കൽ സമ്മേളനങ്ങൾ നടത്തും. ജൂൺ‑ജൂലൈ മാസങ്ങളിൽ മണ്ഡലം സമ്മേളനങ്ങളും ഓഗസ്റ്റ് — സെപ്റ്റംബർ മാസങ്ങളിൽ ജില്ലാ സമ്മേളനങ്ങളും നടത്തും.
ഒക്ടോബറിൽ തിരുവനന്തപുരത്താണ് സംസ്ഥാന സമ്മേളനം നടക്കുക. സംസ്ഥാന സെക്രട്ടറി കാനം രാജേന്ദ്രൻ ഇന്ന് തലയോലപ്പറമ്പിലെ ഉദയനാപുരം ബ്രാഞ്ച് സമ്മേളനത്തിൽ പങ്കെടുക്കും. കേന്ദ്ര കൺട്രോൾ കമ്മിഷൻ ചെയർമാൻ പന്ന്യൻ രവീന്ദ്രൻ കോട്ടയം ജില്ലയിലും സംസ്ഥാന എക്സിക്യൂട്ടീവ് അംഗം കെ ഇ ഇസ്മായിൽ കിഴക്കഞ്ചേരി പഞ്ചായത്തിലെ കണ്ണംകുളം ബ്രാഞ്ചിലും സംസ്ഥാന അസിസ്റ്റന്റ് സെക്രട്ടറിമാരായ കെ പ്രകാശ്ബാബു വിളക്കുടി പഞ്ചായത്ത് ഓഫീസ് ജങ്ഷൻ ബ്രാഞ്ചിലും വെട്ടിക്കവല പഞ്ചായത്തിലെ മുട്ടവിള ബ്രാഞ്ചിലും സത്യൻ മൊകേരി കോഴിക്കോട് ജില്ലയിലെ പെരുവയൽ ബ്രാഞ്ചിലും സമ്മേളനങ്ങളില്‍ പങ്കെടുക്കും.
english summary;CPI branch meetings from today
you may also like this video;
