ബിഹാറിലെ ബെഗുസരായി ലോക്‌സഭാ മണ്ഡലത്തില്‍ ഇന്ത്യ സഖ്യത്തില്‍ സിപിഐ മത്സരിക്കും. സംസ്ഥാന എക്സിക്യൂട്ടീവ് അംഗം അവ്ധേഷ് കുമാര്‍ റായ് ഇവിടെ സ്ഥാനാര്‍ത്ഥിയാകും. ബച്ച്‌വാരയില്‍ നിന്ന് നിയമസഭാംഗമായിരുന്നു അവ്ധേഷ്. 2020ല്‍ 464 വോട്ടുകള്‍ക്കാണ് അദ്ദേഹം ഇവിടെ പരാജയപ്പെട്ടത്.
കഴിഞ്ഞ ലോക്‌സഭാ തെരഞ്ഞെടുപ്പില്‍ ബെഗുസരായില്‍ മത്സരിച്ച സിപിഐ 2,69,976 വോട്ടുകള്‍ നേടി രണ്ടാം സ്ഥാനത്തെത്തിയിരുന്നു. ഇവിടെ ആര്‍ജെഡി സ്ഥാനാര്‍ത്ഥിക്ക് 1,98,233 വോട്ടുകളും ലഭിച്ചു. ഇന്ത്യ സഖ്യത്തില്‍ മറ്റ് ചില സീറ്റുകളിലേക്കും ചര്‍ച്ചകള്‍ നടക്കുന്നുണ്ട്. ഇക്കാര്യത്തില്‍ ഉടന്‍ തീരുമാനമുണ്ടാകുമെന്നാണ് പ്രതീക്ഷിക്കുന്നത്.
English Summary:CPI candidate in alliance with India in Begusarai
You may also like this video
