സിപിഐ ജില്ലാ സമ്മേളനം; വിദ്യാർത്ഥി സംഗമം കൊയിലാണ്ടിയിൽ

ജൂലൈ 23, 24, 25 തിയ്യതികളിൽ നാദാപുരത്ത് വച്ച് നടക്കുന്ന സിപിഐ ജില്ലാ സമ്മേളനത്തോടനുബന്ധിച്ചുള്ള വിദ്യാർത്ഥി സംഗമം ജൂലൈ ആറിന് രാവിലെ കൊയിലാണ്ടിയിൽ വച്ച് നടക്കും. വിദ്യാർത്ഥി സംഗമത്തിന്റെ വിജയകരമായ നടത്തിപ്പിന് സംഘാടകസമിതി രൂപീകരിച്ചു. സ്വാഗത സംഘം രൂപീകരണ യോഗം പാർട്ടി ജില്ലാ എക്സിക്യൂട്ടീവ് അംഗം ആർ സത്യൻ ഉദ്ഘാടനം ചെയ്തു. ജില്ലാ കമ്മിറ്റി അംഗം ഇ കെ അജിത്ത് അധ്യക്ഷനായിരുന്നു. പാർട്ടി ജില്ല അസിസ്റ്റന്റ് സെക്രട്ടറി പി ഗവാസ്, സിപിഐ മണ്ഡലം സെക്രട്ടറി അഡ്വ. എസ് സുനിൽ മോഹൻ, എഐഎസ്എഫ് സംസ്ഥാന ജോയിന്റ് സെക്രട്ടറി ബി ദർശിത്ത്, എഐഎസ്എഫ് ജില്ലാ സെക്രട്ടറി വൈശാഖ് കല്ലാച്ചി എന്നിവർ സംസാരിച്ചു. ഭാരവാഹികളായി അഡ്വ. എസ് സുനിൽ മോഹൻ (കൺവീനർ), ഇ കെ അജിത്ത് (ചെയർമാൻ), കെ എസ് രമേശ് ചന്ദ്ര (ട്രഷറർ) എന്നിവരെ തെരഞ്ഞെടുത്തു.