സിപിഐ ലോക്കല്‍ കമ്മിറ്റികളുടെ നേതൃത്വത്തില്‍ സംസ്ഥാനത്തുടനീളം ആവേശമുയര്‍ത്തി കാല്‍നടജാഥകള്‍ പര്യടനം തുടരുന്നു. ബിജെപി ഹഠാവോ, ദേശ് ബച്ചാവോ എന്ന മുദ്രാവാക്യമുയര്‍ത്തി നടക്കുന്ന ജാഥകളില്‍ വിവിധ ജില്ലകളില്‍ ആയിരക്കണക്കിന് പേര്‍ പങ്കാളികളായി. വര്‍ഗീയ‑ഫാസിസ്റ്റ് നയങ്ങളുമായി രാജ്യത്തെ വിഭജിച്ച് മുന്നോട്ടുപോകുന്ന ബിജെപി ഭരണകൂടത്തിനെതിരെയുള്ള ദേശീയ പ്രക്ഷോഭത്തിന്റെ ഭാഗമായി നടക്കുന്ന ജാഥകള്‍ക്ക് സ്വീകരണം നല്‍കാന്‍ രാഷ്ട്രീയഭേദമന്യെ നിരവധിയാളുകളാണ് വിവിധ കേന്ദ്രങ്ങളില്‍ എത്തിച്ചേരുന്നത്.
ഇന്നലെയും സംസ്ഥാനത്ത് വിവിധ ലോക്കല്‍ കമ്മിറ്റികളുടെ നേതൃത്വത്തില്‍ നടന്ന കാല്‍നടജാഥകള്‍ക്ക് ആവേശകരമായ സ്വീകരണമാണ് ലഭിച്ചത്. പ്രതികൂല കാലാവസ്ഥയെയും അവഗണിച്ചുകൊണ്ടാണ് ഉജ്ജ്വലമായ ജനകീയ പ്രതിരോധമായി സിപിഐ കാല്‍നടജാഥകള്‍ മുന്നേറുന്നത്.
English Summary: cpi march
You may also like this video
