സിപിഐ ദേശീയ പ്രക്ഷോഭത്തിന്റെ ഭാഗമായി സംസ്ഥാനത്ത് നടക്കുന്ന കാല്‍നട ജാഥകളുടെ പര്യടനം ആവേശകരമായി മുന്നേറുന്നു. ബിജെപിയെ പുറത്താക്കൂ, രാജ്യത്തെ രക്ഷിക്കൂ എന്ന മുദ്രാവാക്യത്തോടെയുള്ള ദേശീയ പ്രക്ഷോഭത്തിന്റെ പ്രചരണാര്‍ത്ഥമാണ് ലോക്കല്‍ അടിസ്ഥാനത്തില്‍ ജാഥകള്‍ സംഘടിപ്പിച്ചിരിക്കുന്നത്.
വിവിധ ജില്ലകളില്‍ നൂറുകണക്കിന് പേരാണ് ജാഥകളില്‍ അണിനിരക്കുന്നത്. കേന്ദ്ര സര്‍ക്കാരിന്റെ ജനവിരുദ്ധ നയങ്ങളും വര്‍ഗീയവിഭജനവും തുറന്നുകാട്ടിയും സംസ്ഥാന സര്‍ക്കാരിന്റെ ജനക്ഷേമ പ്രവര്‍ത്തനങ്ങള്‍ വിശദീകരിച്ചും കടന്നുപോകുന്ന ജാഥകള്‍ക്ക് ഹൃദ്യമായ സ്വീകരണങ്ങളും നാടെങ്ങും ലഭിക്കുന്നു. മഴയെ കൂസാതെ സ്ത്രീകളും വയോധികരും ആവേശഭരിതമായാണ് ഓരോ ജാഥകളിലും പങ്കെടുക്കുന്നത്.
ആവേശഭരിതം കാല്‍നട ജാഥകള്‍
