സിപിഐ 24-ാം പാർട്ടി കോൺഗ്രസ് തീരുമാനങ്ങളുടെ റിപ്പോര്‍ട്ടിങ്ങിന് തുടക്കമായി. തിരുവനന്തപുരം, കൊല്ലം ജില്ലകളുടെ യോഗം തിരുവനന്തപുരത്ത് വച്ച് നടന്നു. സംസ്ഥാന സെക്രട്ടറി കാനം രാജേന്ദ്രന്‍, ദേശീയ സെക്രട്ടേറിയറ്റംഗം ബിനോയ് വിശ്വം എംപി, സംസ്ഥാന അസി. സെക്രട്ടറി പി പി സുനീര്‍ എന്നിവര്‍ സംസാരിച്ചു. കെ ആര്‍ ചന്ദ്രമോഹനന്‍ അധ്യക്ഷനായി. മാങ്കോട് രാധാകൃഷ്ണന്‍ സ്വാഗതം പറഞ്ഞു. ദേശീയ കൗണ്‍സില്‍ അംഗങ്ങളായ ജി ആര്‍ അനില്‍, ജെ ചിഞ്ചുറാണി എന്നിവര്‍ സംബന്ധിച്ചു. പാര്‍ട്ടി ലോക്കല്‍ കമ്മിറ്റി സെക്രട്ടറിമാര്‍ വരെയുള്ള നേതൃഘടകങ്ങളിലെ സഖാക്കളാണ് യോഗത്തില്‍ പങ്കെടുത്തത്.
കോട്ടയം, ആലപ്പുഴ, പത്തനംതിട്ട, ഇടുക്കി ജില്ലകളുടെ മേഖലാ യോഗം ഇന്ന് കോട്ടയത്ത് വച്ച് നടക്കും. എറണാകുളം, തൃശൂര്‍, പാലക്കാട് ജില്ലകളുടെ മേഖലാ യോഗം നാളെ ആലുവയിലും കണ്ണൂര്‍, കാസര്‍കോട് ജില്ലകളുടെ യോഗം 25ന് കണ്ണൂരിലും കോഴിക്കോട്, മലപ്പുറം, വയനാട് ജില്ലകളുടെ യോഗം 27ന് കോഴിക്കോടും നടക്കും.
English Summary: CPI Party Congress reporting started
You may also like this video
