സിഎസ്‌ബി ബാങ്ക് സമരം മാനേജ്മെന്റ് ഇടപെട്ട് രമ്യമായ ഒത്തുതീർപ്പിന് വഴിയൊരുക്കണമെന്നും അല്ലാത്ത പക്ഷം സംസ്ഥാന സർക്കാർ ഇടപെടുമെന്നും റവന്യു മന്ത്രി കെ രാജൻ പറഞ്ഞു. രണ്ടു ദിവസങ്ങളായി നടന്ന എഐബിഇഎ സംസ്ഥാന സമ്മേളനത്തിന് അഭിവാദ്യം അർപ്പിച്ച് സംസാരിക്കുകയായിരുന്നു മന്ത്രി.
ബാങ്ക് സ്വകാര്യവൽക്കരണം അരുത്, പൊതുമേഖലാ ബാങ്കുകൾക്ക് മൂലധനം നൽകി ശാക്തീകരിക്കുക, കേന്ദ്രസർക്കാർ ജനവിരുദ്ധ സാമ്പത്തിക നയങ്ങൾ തിരുത്തുക, ലേബർ കോഡ് ഉപേക്ഷിച്ച് തൊഴിലാളികൾക്ക് അനുകൂലമായ തൊഴിൽ നിയമങ്ങൾ പുനഃസ്ഥാപിക്കുക തുടങ്ങിയ പ്രമേയങ്ങൾ സമ്മേളനം അംഗീകരിച്ചു. മുൻമന്ത്രി വി എസ് സുനിൽകുമാർ മുഖ്യപ്രഭാഷണം നടത്തി. പുതിയ ഭാരവാഹികളായി കെ എസ് കൃഷ്ണ (പ്രസിഡന്റ്), ബി രാംപ്രകാശ് (ജനറൽ സെക്രട്ടറി) , പി ജയപ്രകാശ് (ട്രഷറർ) എന്നിവരെ തെരഞ്ഞെടുത്തു.
english summary; CSB Bank strike: Minister K Rajan says govt will intervene
you may also like this video;
