അച്ഛൻ നൽകിയ കഞ്ചാവ് ചേർത്ത ചോക്ലേറ്റ് ബിസ്ക്കറ്റ് കഴിച്ച പതിനൊന്ന് വയസുകാരി പെണ്‍കുട്ടി ആശുപത്രിയില്‍. മലേഷ്യയിലാണ് സംഭവം. അച്ഛന്‍ തന്നെയാണ് പെണ്‍കുട്ടിക്ക് കഞ്ചാവ് നല്‍കിയതെന്ന് പൊലീസ് സ്ഥിരീകരിച്ചു. 38കാരനായ പിതാവാണ് കുട്ടിക്ക് കഞ്ചാവ് ബിസ്ക്കറ്റിനുള്ളില്‍ കലര്‍ത്ത് നല്‍കിയത്. ബിസ്ക്കറ്റ് കഴിച്ച കുട്ടി അവശനിലയിലായി. തുടര്‍ന്ന് അടുത്തുള്ള പ്രാദേശിക ക്ലിനിക്കില്‍ എത്തിച്ചു.
ക്ലിനിക്കിലെ മെഡിക്കൽ അസിസ്റ്റന്റാണ് സംഭവത്തെക്കുറിച്ച് പൊലീസിനെ വിവരം അറിയിച്ചത്. അതേസമയം പെൺകുട്ടിയുടെ ആരോഗ്യനില ഇപ്പോൾ തൃപ്തികരമാണെന്നും ചികിത്സയോട് നന്നായി പ്രതികരിക്കുന്നുണ്ടെന്ന് ആശുപത്രി അധികൃതരുടെ റിപ്പോർട്ടുണ്ട്. ഇത്തരം സംഭവങ്ങൾ ഇനി ഉണ്ടാകാതിരിക്കാൻ മുൻകരുതൽ എടുക്കണമെന്ന് പൊലീസ് ഉദ്യോഗസ്ഥർ പറഞ്ഞു.
English Summary; Dad served chocolate biscuits laced with ganja; 11-year-old girl in hospital
You may also like this video
