പാലക്കാട് യുവാക്കളുടെതെന്ന് സംശയിക്കുന്ന മൃതദേഹങ്ങള്‍ പാടത്ത് കുഴിച്ചിട്ട നിലയിൽ കണ്ടെത്തി. പാലക്കാട് കൊടുമ്പ് പഞ്ചായത്തിലെ കരിങ്കരപ്പുള്ളി അമ്പലപ്പറമ്പ് ലക്ഷം വീട് കോളനിക്കു സമീപമുള്ള ചതുപ്പു നിറഞ്ഞ പാടത്താണ് മൃതദേഹ അവശിഷ്ടങ്ങള്‍ കണ്ടെത്തിയത്. ഇന്ന് വൈകിട്ട് അഞ്ചു മണിയോടെയാണ് പൊലീസ് സംഭവസ്ഥലം സന്ദര്‍ശിച്ചത്.
വേനോലി ഭാഗത്ത് കഴിഞ്ഞ മാസം അടിപിടിയുണ്ടാക്കിയ നാലു യുവാക്കള്‍ക്കെതിരെ പൊലീസ് കെസെടുത്തിരുന്നു. ഇവരില്‍ കരിങ്കരപ്പുള്ളിയിലെ ബന്ധുവീ്ടടില്‍ താമസിച്ചു വന്നിരുന്ന രണ്ടു യുവാക്കളെ ഈ മാസം ആദ്യം മുതല്‍ കാണാതായിരുന്നു. ഇവരുടെ മൃതദേഹമാണിതെന്ന് പ്രദേശവാസികള്‍ പറയുന്നുവെങ്കിലും പൊലീസ് ഇത് സ്ഥിരീകരിച്ചിട്ടില്ല. ഇന്ന് രാവിലെ സ്ഥലം തഹസില്‍ദാറുടെ മേല്‍നോട്ടത്തില്‍ അവശിഷ്ടങ്ങള്‍ പുറത്തെടുത്ത് ഫോറന്‍സിക് പരിശോധനയ്ക്ക് വിധേയമാക്കുമെന്നും അതിനു ശേഷം മാത്രമെ വിവരം നല്‍കാന്‍ കഴിയൂ എന്നുമാണ് പൊലീസ് നിലപാട്.
you may also like this video
